Ադրբեջանական լրատվամիջոցները, վիրավորված լինելով հայերի մասին կարեկցանքով արտահայտված գրող Աքրամ Այիսլիից, որոշել են ժամանակից շուտ թաղել նրան:
Նախորդ գիշեր ադրբեջանական մամուլը ողողված էր գրողի մահվան մասին լուրերով:
Լրագրողների հարցերին պատասխանելով՝ Այիսլին չի կարողացել թաքցնել իր ցասումը՝ կապված ապատեղեկատվության հետ: «Ես կպատժեմ նրանց, ովքեր նման սուտ տեղեկություններ են տարածել: Ես դատի կտամ նրանց: Ես չեմ մահացել, ես ողջ եմ»,-հայտարարել է գրողը: Տեղեկատվության սկզբնաղբյուրը ադրբեջանական հետաքննական լրագրողների կայքն է եղել:
Հիշեցնենք, որ Այիսլիի «Քարե երազներ» վեպը ադրբեջանական հասարակությունում բավականին բացասական արձագանքի էր արժանացել: Ներկայումս գրողն իր «հարազատ» երկրում հետապնդումների ու հալածանքների է ենթարկվում:
