Լոս Անջելեսում 92 տարեկան հասակում կյանքից հեռացել է կատակերգու դերասան Սիդ Սիզարը:
Նա մահացել է Բեւերլի Հիլզի իր տանը: Մահվան հստակ պատճառ չի հաղորդվում, սակայն հայտնի է, որ մահվանը նախորդել է տեւական հիվանդությունը:
Դերասանը, որի ազգանունը թարգմանվում է «Կեսար», 1950-ականներին դարձել էր հեռուստատեսային կատակերգական սքեթչերի ժանրի հիմնադիրը: Տարբեր ժամանակներում նրա հաղորդումների սցենարները գրել են ռեժիսորներ Վուդի Ալենը եւ Մել Բրուքսը, դրամատուրգ եւ սցենարիստ Նիլ Սայմոնը, հայտնում է rosbalt.ru-ն:
Նշենք, որ Սիզարը հայտնի էր դարձել «Ներկայացումների ներկայացումը» հեռուստաշոուում ունեցած իր դերով: Բացի դրանից, նա հայտնի է նաեւ «Այս խենթ, խենթ, խենթ, խենթ աշխարհը» ֆիմլում եւ «Բրիոլին» մյուզիքլում դերերով:
Նախքան դերասանական կարիերայի սկիզբը, Սիզարը Նյու Յորքում սաքսոֆոն էր նվագում:
