Ուկրաինական ընդդիմադիր «Աջ սեկտորի» ընդդիմադիրները Գոստոմելում մասնավոր պահեստում (Կիեւից 38 կմ հեռավորության վրա) հայտնաբերել են 12 էքսկլյուզիվ մեքենաների ավտոպարկ, որի արժողությունը մոտավորապես կազմում է 2 մլն դոլար, հաղորդում է TCH.ua-ն:
Կիեւի մարզում «Աջ սեկտորի» ղեկավար Իգոր Մազուրի խոսքով՝ բոլոր մեքենաներն այնտեղ հայտնվել են փետրվարի 21-ի գիշերը: Ակտիվիստները ենթադրում են, որ դրանք պատկանում են Վիկտոր Յանուկովիչ կրտսերին:
Կան ներկայացուցչական դասի մոդելներ, սպորտային մեքենաներ ու զրահապատ ամենագնացներ:
Բոլոր մեքենաները ծածկված են պոլիէթիլենով: Ակտիվիստները պոկում են դրանք ու մեքենաները ցույց տալիս լրագրողներին: Զրահապատ Knight XV ամենագնացն առաջին անգամ թողարկել են միայն վեց տարի առաջ:
Նրա արժեքը կազմում է մոտ 700 հազար դոլար: Ուղեւորների անվտանգության համար մեքենան ողջ պարագծով հագեցված է հակապայթուցիկ եւ ռումբերի հայտնաբերման համակարգով:
International-ն աշխարհում ամենախոշոր պիկապներից մեկն է: Դրա արժեքը կազմում է մոտ 130 հազար դոլար: Դրանից բացի Վիկտոր Յանուկովիչ կրտսերին ուղեկցում էր կաբրիոլետ դասի Mercedes-Benz՝ մոտ 150 հազար դոլար արժողությամբ:
Ակտիվիստները խուզարկել են մեքենաները եւ պիկապի բեռնախցիկում պետհամարանիշեր են հայտնաբերել: Թե որ մեքենաներին են դրանք պատկանել, հայտնի չէ: Սակայն համարանիշերը գրեթե նույնն են: Սա վկայում է այն մասին, որ դրանք նույն ավտոշարասյան մեքենաներին են պատկանում, համարում են «Աջ սեկտորում»:
Հիշեցնենք, որ փետրվարի 22-ին լրագրողներին թողեցին Մեժիգորյե, որտեղ Վիկտոր Յանուկովիչի մոտ հայտնաբերել է հնաոճ մեքենաների հավաքածու: Սակայն շատ թանկարժեք մոդելներ հավաքածուի մեջ չեն եղել: