Բրազիլիայում սկսվել է հայտնի կառնավալը: Փետրվարի 28-ին Սան Պաուլուից դեպի օվկիանոսի ափ է շարժվել 2,5 մլն ավտոմեքենա, իսկ Ռիո դե Ժանեյրոյի կառնավալին մասնակցելու համար այս օրերին այդ քաղաք է ժամանել 900 հազար զբոսաշրջիկ, հաղորդում է ԻՏԱՌ-ՏԱՍՍ-ը:
Սան Պաուլուի սամբայի լավագույն դպրոցները հանդես կգան շաբաթ գիշերը եւ կիրակի, իսկ Ռիո դե Ժանեյրոյի բարձրագույն լիգան տեղի կունենա «Մարկիզ դե Սալուկաի» սամբայի հրապարակում երկուշաբթի եւ երեքշաբթի: Այնպես որ բրազիլացիները 4 օր շարունակ կարող են հետեւել կառնավալային երթերի ուղիղ ռեպորտաժներին:
Այս օրերին կառնավալային երթեր են տեղի ունենում Բրազիլիայի փաստացի բոլոր խոշոր քաղաքներում: