«Գազպրոմը» 2014-ի ապրիլից վերացնում է Ուկրաինա գազի մատակարարման արտոնությունները, ՌԴ վարչապետ Դմիտրի Մեդվեդեւի հետ հանդիպմանը հայտարարել է գազային ընկերության գլխավոր տնօրեն Ալեքսեյ Միլլերը:
«Գազպրոմը» որոշել է հաջորդ ամսվա սկզբից չերկարացնել գործող զեղչերը», — Ասել է Միլլերը՝ հավելելով, որ ուկրաինացի գործընկերները պայմանագրային պարտավորվածությունները չեն կատարում: Ռուսաստանին Ուկրաինայի գազային պարտքը կազմում է 1,549 մլրդ դոլար:
Իր հերթին Մեդվեդեւը հավանություն է տվել ընկերության որոշմանը, հայտնում է «ՌԻԱ Նովոստին»:
Նշվում է, որ 2013թ. Ուկրաինայի «Նավթոգազը» Ռուսաստանից ստացել էր 13 միլիարդ խմ գազ՝ հազար խմ-ը 400 դոլարով: Անցյալ տարվա դեկտեմբերին Ուկրաինան Ռուսաստանից զեղչ էր ստացել, 2014թ. գինը սահմանվել էր 268,5 դոլար: Այն ժամանակ էլ պայմանավորվել էին, որ 2013թ. 2,634 միլիարդ դոլար պարտքը երկիրը կմարի հունվարի 25-ին: Փետրվարի 14-ի դրությամբ «Նավթոգազը» ռուսական «Գազպրոմին» վճարել է 1,28 միլիարդ դոլար՝ անցյալ տարվա մատակարարված գազի համար, եւ մնացած պարտքը վճարելու ժամանակ խնդրել մինչեւ ապրիլի 15-ը: