Եթե Ղրիմը Ռուսաստանի կազմ մտնի, ապա Վրաստանը կարող է ՆԱՏՕ-ին անդամակցելու գործողությունների ծրագիր ստանալ:
Վրաստանին ծրագիրը կարող է տրվել Մեծ Բրիտանիայում ՆԱՏՕ-ի սեպտեմբերի գագաթաժողովի ընթացքում, եթե Ղրիմի Ռուսաստանի կազմ մտնի, հայտնում է «Կոմերսանտը»՝ վկայակոչելով ՆԱՏՕ-ի եւ ԱՄՆ-ի Պետդեպարտամենտի աղբյուրը:
«Ռուսաստանի գործողությունները հանգեցրին Արեւելյան Եվրոպայում դաշինքի վճռական քաղաքականության անհրաժեշտության մասին քննարկումների վերսկսմանը», —հայտնել է ՆԱՏՕ-ի աղբյուրը: Պետդեպի աղբյուրը հաստատել է, որ Վրաստանին գործողությունների ծրագիր տրամադրելը Ղրիմի հարցից է կախված:
Վրաստանի՝ ՆԱՏՕ մտնելու հեռանկարը բացվել էր 2008-ի ապրիլին: Այն ժամանակ Գերմանիայի ու Ֆրանսիայի առարկություններ էին խոչընդոտել դրա իրականացմանը:
Այնուամենայնիվ, ըստ թերթի աղբյուրի, «Եթե Ռուսաստանը հայտարարի Ղրիմն իրեն միացնելու մասին, Վրաստանին գործողությունների ծրագիր տրամադրելը կարելի է լուծված հարց համարել:
Դրան կարող է խոչընդոտել միայն Գերմանիան: «Ի դեպ, Բեռլինի եւ այլ թերահավատների կարծիքը կարող է փոխվել: Ղրիմի միացումը Ռուսաստանին ԵՄ մայրաքաղաքներից ոչ մեկն ընդունելի չի համարում»,- վստահ է թերթի զրուցակիցը: