Սերգեյ Բեզռուկովի ռուսական թատրոնի՝ Թբիլիսիում նախատեսված ներկայացումը չի կայանա՝ Ղրիմում ՌԴ նախագահ Վլադիմիր Պուտինի գործողություններին վերջինիս զորակցության համար, հայտնում է Վրաստանի մշակույթի պալատը:
«Երբեք Վրաստան չեմ բերի որեւէ դերասանի, որը ընդունելի է համարում հակաժողովրդավարական որոշումները», - հայտարարել է մշակույթի պալատի նախագահ Դավիթ Օքիթաշվիլին:
Վրաստանի մշակույթի պալատի հայտարարությունում ասված է, որ ՌԴ ժողովրդական արտիստների նամակի հետ կապված, որում վերջիններս զորակցություն էին հայտնում Վլադիմիր Պուտինին, պալատը որոշել է չեղարկել Սերգեյ Բեզռուկովի թատրոնի՝ մայիսին նախատեսված թբիլիսյան շրջագայությունը»:
«Մենք եւս մեկ անգամ զորակցություն ենք հայտնում Ուկրաինայի ինքնիշխանությանը եւ տարածքային ամբողջականությանը եւ ուկրաինացի հերոսական եւ բարեկամ ժողովրդին», - հաղորդագրությունից մեջբերում է «Գռուզիա- Online»-ը:
Հիշեցնենք, ՌԴ մշակույթի նախարարությունը հրապարակել է մշակութային այն գործիչների ցանկը, որոնք աջակցում են Ղրիմում Պուտինի գործողություններին: Նրանց թվում էր Սերգեյ Բեզռուկովը: