Լեռնային Ղարաբաղի հիմնախնդրի կարգավորման հարցում Բաքուն եւ Երեւանն իրենք են միջնորդների վերաբերյալ որոշումներ կայացնում: «Թրենդը» հաղորդում է, որ մարտի 13-ին Բաքվում կայացած մամուլի ասուլիսի ընթացքում նման հայտարարություն է արել Իրանի արտաքին գործերի Ասիայի և Օվկիանիայի հարցերով փոխնախարար, Կասպիական տարածաշրջանի հարցերով երկրի հատուկ ներկայացուցիչ Իբրահիմ Ռահիմփուրը:
«Եթե Բաքուն եւ Երեւանը ընդունում են ԵԱՀԿ ՄԽ-ի միջնորդությունը Լեռնային Ղարաբաղի հիմնախնդրի կարգավորման հարցում դա նրանց գործն է», - նշել է Ռահիմփուրը:
Ըստ նրա՝ փորձը ցույց է տալիս, որ սկզբում հիմնախնդիրները պետք է կարգավորվեն երկկողմ ձեւաչափով, իսկ հետո՝ տարածաշրջանի պետությունների մասնակցությամբ, եւ Իրանը մյուս հիմնախնդիրների հարցում էլ նման դիրքորոշում ունի: