Հայտնի բանաստեղծ Հովհաննես Շիրազի որդու` քանդակագործ Արա Շիրազի առողջական վիճակը շարունակում է մնալ ծայրահեղ ծանր: Այս մասին NEWS.am-ին ասաց Առողջապահության նախարարության գլխավոր անեսթեզիոլոգ-ռեանիմատոլոգ Անատոլի Գնունին:
Նա նշեց, որ որեւէ դրական դինամիկա նրա առողջական վիճակում չկա: Փետրվարի 22-ից հիվանդանոց տեղափոխվելուց հետո Արա Շիրազը ոչ գիտակցություն ունի, ոչ էլ շնչառություն: Հայտնի քանդակագործը միացված է արհեստական շնչառության ապարատին, բժիշկները նրան պահում են դեղորայքի օգնությամբ:
Նշենք, որ Արա Շիրազի մոտ ախտորոշվել է գլխուղեղի ինսուլտ՝ բազմաթիվ տարբեր հիվանդությունների առկայությամբ: