Ճապոնական խոշորագույն ավոտոմոբիլային Toyota Motor Co. Ընկերությունը 1,2 մլրդ դոլար տուգանք է վճարելու ԱՄՆ արդարադատության նախարարությանը: ԱՄՆ պատմության ընթացքում խոշորագույն տուգանքը վճարվելու է ամերիկյան սպառողներից մեքենաների անսարքության մասին տեղեկությունները թաքցնելու համար:

Ինչպես հաղորդում է ԻՏԱՌ-ՏԱՍՍ-ը, Toyota-ի դեմ հետաքննությունը կապված է Toyota եւ Lexus մեքենաների վրա արագացման սարքավորումների խնդիրները թաքցնելու հետ: Առաջին դեպքերի մասին հաղորդվել է 2009թ.: Այդ միջադեպերից տուժել էին մի քանի անձինք: Սակայն մինչեւ 2010 թվականը ընկերությունը չի հայտնել անսարքությունների մասին:

Բացի տուգանքից Toyota-ն պարտավոր է անկախ կարգավորողներին տեղեկություններ հայտնել անսարքությունների մասին: