Եթե Իրանը օգտվի իրավիճակից, ապա Նովրուզը ոչ միայն նոր տարվա սկիզբ կդառնա, այլեւ՝ Իրանի պատմության, աշխարհում նրա դերի մեջ նոր էջ կդառնա, այդ թվում՝ ԱՄՆ հետ հարաբերությունների կարգավորման առումով: Այս մասին ասվում է ԱՄՆ նախագահ Բարաք Օբամայի ուղերձում՝ կապված Նովրուզի հետ:
Ըստ նրա՝ երկար տարիներ շարունակ առաջին անգամ հնարավորություն կա նոր ուղի սկսելու: «Եթե Իրանը կատարի իր միջազգային պարտականությունները, մենք գիտենք, թե ուր կարող է տանել երկխոսության, ավելի շատ վստահության ու համագործակցության ուղին: Դա կնշանակի ավելի շատ հնարավորություններ իրանցիների համար առեւտրի ոլորտում ու մնացած աշխարհի հետ կապերի հաստատման հարցում»,-հայտարարել է Օբաման:
Նա նշել է, որ ինքը իլյուզիաներ չունի ու գործընթացը բարդ է լինելու, սակայն հնարավորություն կա համաձայնության գալ, եթե Իրանը գիտակցված քայլերի գնա, որպեսզի աշխարհին համոզի, որ միջուկային ծրագիրը բացառապես խաղաղ բնույթ է կրում:
