Այսօր՝ մարտի 27-ի գիշերը Խանջյան փողոցում գտնվող «ՎՎ» ակումբում վիճաբանություն է տեղի ունեցել ակումբի մատուցողուհու ու հաճախորդների միջեւ: NEWS.am-ի տեղեկություններով, մատուցողուհին հաճախորդներին ակումբից դուրս հրավիրելու համար ստիպված է եղել դիմել ոստիկանների օգնությանը:
Բանն այն է, որ ակումբը փակվելու ժամին նրանք դուրս չեն եկել եւ չեն ենթարկվել մատուցողուհու պահանջներին: Վերջինս ստիպված է եղել հարակից տարածքում գտնվող ոստիկանների միջամտությանը դիմել, սակայն երիտասարդները դիմադրել են նաեւ ոստիկանների օրինական պահանջին եւ ակումբի դռան մոտ սկսկել են սեռական բնույթի հայհոյանքեր հնչեցնել, դիմադրել, ինչից հետո նրանց բերման են ենթարկել բաժին:
