Ղրիմի բռնակցումը Պուտինի համար միայն դեսերտն է, հիմնական ուտեստը պետք է դառնա ամբողջ Ուկրաինան, վստահ է Վրաստանի նախկին նախագահ Միխայիլ Սահակաշվիլին:
Մարտի 27-ին Կիեւի միջազգային հարաբերությունների ինստիտուտի ուսանողների հետ հանդիպմանը Սահակաշվիլին զուգահեռներ է անցկացրել Ուկրաինայում ներկայիս իրավիճակի եւ 1990-ականների սկզբին Վրաստանի իրավիճակի հետ:
Նախկին նախագահը Ուկրաինայի զինված խմբավորումը համեմատել է Վրաստանի «մխեդրիոնի» զինված ջոկատների հետ:
«Կարծում եմ՝ ամենաարագ մեթոդը այդ մարդկանց պաշտոնական պետության զինված կառույցներում ինտեգրելը եւ նրանցից զինվորական երդում վերցնելն է: Իսկ մյուսները պետք է տուն գնան, նրանց պարզապես պետք է սոցիալապես վերականգնել», - ասել է Սահակաշվիլին:
Ըստ նրա՝ Ուկրաինան կարող են փրկել արագ եւ արմատական բարեփոխումները, կոռուպցիան արմատախիլ անելը:
