Ամերիկյան General Motors կոնցեռնը ամբողջ աշխարհից հետ է կանչում եւս մեկ միլիոն մեքենա` խնդիրների պատճառով: Ստուգումները ցույց են տվել, որ անսարքությունները հարյուրավոր պատահարների եւ 12 մարդու մահվան պատճառ էին դարձել:
Ընկերությունը հայտնում է, որ հետ կանչված մեքենաներում` արտադրված հիմնականում 2007-2011թթ. եւ վաճառված ԱՄՆ-ում, շարժիչը գործարկող սարքավորումները կարող էին դառնալ բոլոր էլեկտրոնային համակարգերի անջատման պատճառ:
Փետրվարին GM-ը հրամայել էր հետ կանչել 1,6 միլիոն հին մոդել, հաղորդում է BBC-ի ռուսական ծառայությունը:
Կոնցեռնին սպառնում է նաեւ քննություն` մեկ այլ խափանման պատճառով հետկանչի համար: Խոսքն անվտանգութան բարձիկների համար պատասխանատու սարքերի մասին է, որոնց սխալ աշխատանքը կարող է լուրջ հետեւանքներ ունենալ:
