Արտաքին գործերի ու անվտանգության քաղաքականության հարցերով Եվրամիության գերագույն հանձնակատար Քեթրին Էշթոնը դատապարտել է «Աջ սեկտորի» ակտիվիստների ճնշումը Գերագույն Ռադայի վրա:
«Խորհրդարանի այդ կերպ ահաբեկումները հակասում են ժողովրդավարական սկզբունքներին եւ օրենքի գերակայությանը»,- ասվում է հայտարարության մեջ:
Քեթրին Էշթոնը կոչ է արել «Աջ սեկտորին» եւ մյուս կողմերին զերծ մնալ բռնության սպառնալիքներից: «Նրանք անհապաղ պետք է չգրանցված զենքը հանձնեն իշխանություններին»,- հայտարարել է նա:
ԵՄ դիվանագիտության ղեկավարը նաեւ նշել է, որ անհրաժեշտ է Ալեքսանդր Մուզիչկոյի մահվան հանգամանքների օբյեկտիվ հետաքննություն անցկացնել եւ ողջունել է այդ առթիվ ժամանակավոր քննչական հանձնաժողովի ստեղծումը:
Ինչպես ավելի վաղ հաղորդվում էր, «Աջ սեկտոր» կազմակերպության ակտիվիստները մարտի 27-ի երեկոյան Կիեւոմ գրոհել էին Գերագույն Ռադայի շենքը: Հավաքվածները պահանջում էին ներքին գործերի նախարար Արսեն Ավակովի հրաժարականն ու տրիբունալ նրա եւ պաշտպանության նախկին նախարար Իգոր Տենյուխի համար: