Հայաստանը Եվրամիություն է արտահանում հիմնականում հումքային ապրանքներ, իսկ Մաքսային միություն՝ պատրաստի արտադրանք: Այդ մասին հայտարարել է Հայաստանի նախագահի աշխատակազմի ղեկավարի տեղակալ Վարդան Արամյանը մարտի 29-ին Երեւանում կազմակերպված ՀՀԿ երկրորդ տնտեսական համաժողովում:
Հայաստանի արտահանած 20 հիմնական ապրանքները կազմում են արտահանման 87 տոկոսը: Այդ 87 տոկոսի կեսը հումքն է, որ գնումէ Եվրամիություն: Մաքսային միություն արտահանումն ավելի քիչ է, բայց դրանք հիմնականում պատրաստի ապրանքներ են, ընդ որում՝ իրացման լավ շանսերով:
«Պատրաստի ապրանքների առավելությունը նրանում է, որ դրանք ավելի քիչ են ենթարկվում գնային տատանումներին: Իսկ մեր արտահանման անկանխատեսելիության վրա այժմ լրջորեն ազդում է հումքային ապրանքների տատանողականությունը»,- հայտարարել է Արամյանը:
