Ուկրաինական ճգնաժամի արդյունքում ԵՄ-ն կվերանայի «Արեւելյան գործընկերության» երկրների հանդեպ քաղաքականությունը, հայտարարել է Գերմանիայի արտգործնախարար Ֆրանկ-Վալտեր Շտայնմայերը Frankfurter Allgemeine Zeitung թերթի հետ հարցազրույցում:
Նա ընդգծել է, որ ԵՄ-ն չի դադարում ձգտել հարեւան երկրների հետ սերտ համագործակցության: ««Արեւելյան գործընկերության» երկրների հետ սերտ համագործակցության մեր առաջարկը նախկինի պես արդիական է, - հայտարարել է Շտայնմայերը` հավելելով. – Մեր քաղաքականությունը համապատասխան կերպով պետք է արձագանքի քաղաքական իրողություններին: Մենք մեր արեւելյան հարեւաններին չենք ստիպի «կամ-կամ» սկզբունքով որոշումներ կայացնել:
Նշենք, մարտի 31-ին Գերմանիային, Ֆրանսիայի եւ Լեհաստանի արտգործնախարարները կքննարկեն արեւելյան հարեւանների հետ համագործակության այն ձեւաչափը որով նրանց չեն ստիպի ընտրություն կատարել ԵՄ-ի եւ Ռուսաստանի միջեւ: Ավելի վաղ Գերմանիայի արտգործնախարարը քննադատել էր Բրյուսելին այն բանի համար որ վերջինիս քաղաքականությունը Ուկրաինան Յանուկովիչի գլխավորությամբ մղեց Ռուսաստանի գիրկը, հայտնում է Deutsche Welle-ն:
