Մարտի 31-ին, ժամը 14 անց 30 րոպեի դրությամբ, հանրապետության ամբողջ տարածքում վերականգնված է էներգամատակարարումը։
Էներգետիկայի նախարարության մամուլի ծառայությունից հայտնում են, թե մարտի 30-ին տեղացած առատ ձյան ու քամու պատճառով, մարզերում՝ հատկապես Գեղարքունիքում, Տավուշում, Կոտայքում, Արագածոտնում, Վայոց Ձորում ու Արմավիրում հոսանքազրկվել էին 230 բնակավայրեր։ Մասնագետների շուրջօրյա աշխատանքի շնորհիվ սոցիալական օբյեկտների ու բնակավայրերի էներգամատակարարումը վերականգնվեց հնարավորին սեղմ ժամանակահատվածում։