Նախագահ Սերժ Սարգսյանն այսօր՝ մարտի 31-ին շնորհավորական հեռագիր է հղել Հայաստանի Հանրապետության արվեստի վաստակավոր գործիչ, կոմպոզիտոր Ռուբեն Ալթունյանին՝ ծննդյան 75-րդ տարեդարձի առթիվ:
«Ձեր ինքնատիպ ստեղծագործությունները եւ երաժշտարվեստին մատուցած ծառայությունները նշանակալիորեն նպաստել են արդի հայ մշակույթի զարգացմանը: Մեծ է Ձեր ավանդը նաեւ արվեստագետների նոր սերնդի դաստիարակման կարեւոր գործում:
Մաղթում եմ Ձեզ քաջառողջություն եւ ստեղծագործական նորանոր հաջողություններ»,-ասված է ՀՀ նախագահի շնորհավորական հեռագրում:
