ԵԱՀԿ ՄԽ ամերիկացի համանախագահ Ջեյմս Ուորլիքը Մոսկվայում կհանդիպի Հայաստանի եւ Ադրբեջանի արտգործնախարարների հետ: Այս մասին նա գրել է Twitter-ի իր միկրոբլոգում:
«Խորհրդակցության համար մեկնում եմ Վիեննա, հետո կգնամ Մոսկվա, որտեղ ուրբաթ օրը կկայանա հանդիպում Հայաստանի եւ Ադրբեջանի արտգործնախարարների հետ», - գրել է նա:
Ավելի վաղ հաղորդվել էր, որ Հայաստանի եւ Ադրբեջանի արտգործնախարարներ Էդվարդ Նալբանդյանի եւ Էլմար Մամեդյարովի հանդիպումը նախատեսված է ապրիլի 4-ին Մոսկվայում:
Ավելի վաղ Հաագայում միջուկային անվտանգության գագաթաժողովի շրջանակում կայացած հանդիպման արդյունքների համաձայն, ըստ ԵԱՀԿ պաշտոնական կայքի հաղորդագրության, որոշվել էր արտգործնախարարների հանդիպում կազմակերպել ապրիլին՝ Մոսկվայում: Նշենք, որ արտգործնախարարների հանդիպման նպատակն է բարձր մակարդակի հանդիպում նախապատրաստելը: