Ուկրաինայի կառավարությունը խորհուրդ է տալիս էներգետիկայի պետական կարգավորման ազգային հանձնաժողովին մայիսի մեկից սպառողների համար գազին սակագինը բարձրացնել միջինում 73 տոկոսով: Այս մասին ճեպազրույցի ժամանակ հայտարարել է ֆինանսների նախարար Ալեքսանդր Շլապկը:
Նշենք, որ ապրիլի մեկից Ուկրաինան ստիպված է լինելու ռուսական գազը գնել մոտ հինգ հարյուր դոլարով՝ հազար խմ դիմաց:
Ինչպես հաղորդվում էր, վերջին անգամ ուկրաինացիների համար գազի գինը միջինում մոտ 50 տոկոսով բարձրացվել էր 2010-ի օգոստոսի մեկից: