Հայտնի ամերիկահայ ռոք երաժիշտ Սերժ Թանգյանը կոչ է արել միանալ Կոնգրեսի անդամների կոչին՝ հետաքննել Թուրքիայի դերը «Ալ Կաիդայի» կողմից Քեսաբ քաղաքում հարձակումներ իրականացնելու հարցում:
«Միացեք ինձ, կոչ անենք Կոնգրեսի անդամների, որ նրանք պահանջեն Սենատի եւ Ներկայացուցիչների պալատի հետաքննական հանձնաժողովներին հետաքննել Թուրքիայի դերը Սիրիայի Քեսաբ քաղաքում «Ալ Կաիդայի» հարձակումներում, որտեղ ավելի քան 2 հազար հայեր արտաքսվել են իրենց տներից: Բոլոր այդ մարդիկ, Հայց ցեղասպանությունից կենդանի մնացած հայորդիների սերունդներն են, որոնք ապաստան են գտել Քեսաբում»,- Facebook-ի իր էջում գրել է Թանգյանը:
Հիշեցնենք, որ մարտի 21-ի վաղ առավոտյան սիրիական ընդդիմության «Ջեբհաթ ան-Նուսրա» ահաբեկչական խմբավորման ջոկատները չորս կողմից լայնածավալ հարձակման են անցել Լաթակիայի ուղղությամբ: Հարձակումը գործել են Թուրքիայի տարածքից:
Նշենք, որ սիրիական ռազմական ինքնաթիռին, որը գործողություն էր իրականացնում իսլամիստ ահաբեկիչների դեմ, հարվածել էին թուրքական կործանիչները:
