ԵԱՀԿ Մինսկի խմբի համանախագահ Ջեյմս Ուորլիքն անհամբեր սպասում է Մոսկվայում Հայաստանի եւ Ադրբեջանի արտգործնախարարների հետ հանդիպմանը, ինչի մասին գրառում է կատարել Twitter-ի իր միկրոբլոգում:
Նա նաեւ հայտնել է, որ ուրախ էր ԵԱՀԿ ՄԽ դեսպաններին Վիեննայում ծանոթացնելու եւ ԵԱՀԿ-ում Շվեյցարիայի նախագահությամբ ղարաբաղյան հակամարտության կարգավորման ջանքերը համաձայնեցնելու համար:
Ավելի վաղ հաղորդվել էր, որ Հայաստանի եւ Ադրբեջանի արտգործնախարարներ Էդվարդ Նալբանդյանի եւ Էլմար Մամեդյարովի հանդիպումը նախատեսված է ապրիլի 4-ին Մոսկվայում:
Ավելի վաղ Հաագայում միջուկային անվտանգության գագաթաժողովի շրջանակում կայացած հանդիպման արդյունքների համաձայն, ըստ ԵԱՀԿ պաշտոնական կայքի հաղորդագրության, որոշվել էր արտգործնախարարների հանդիպում կազմակերպել ապրիլին՝ Մոսկվայում: Նշենք, որ արտգործնախարարների հանդիպման նպատակն է բարձր մակարդակի հանդիպում նախապատրաստելը: