Թուրքիայի Գյոլբաշըի հաշտարար դատարանը որոշում է կայացրել վերացնել երկրում Youtube-ի արգելափակման որոշումը։
Թուրքական Sozcu պարբերականի փոխանցմամբ՝ Գյոլբաշըի հաշտարար դատարանը բավարարել է Թուրքիայի փաստաբանների միության հայցը եւ նշել, որ Youtube-ի արգելափակումը հակասում է Թուրքիայի Սահմանադրության 26-րդ հոդվածին՝ որոշում կայացնելով անվավեր ճանաչել Youtube-ի արգելափակման որոշումը։
Նշենք, որ ավելի վաղ Թուրքիայի Սահմանադրական դատարանը որոշում էր կայացրել վերացնել Twitter-ի արգելափակման որոշումը։ Ապրիլի 3-ի երեկոյան Թուրքիայում Twitter-ը սկսել է անխափան գործել։