Ամերիկացի հետազոտողները Սատուրնի Էնցելադ արբանյակի սառույցների տակ հսկայական օվկիանոս են հայտնաբերել։
NASA-ն հայտնում է, որ էնցելադում օվկիանոսի գոյության հիպոթեզը հայտնվել էր դեռեւս 2005 թ., երբ դրա հարավային կիսագնդում գեյզերներ էին լուսանկարել։ Ավելի ուշ գիտնականները եզրակացրել են, որ դա աղի ջուր է։
Նոր չափումները թույլ են տվել եզրակացություններ անել արբանյակի կառուցվածքի վերաբերյալ։ Դրանք ցույց են տալիս, որ օվկիանոսը 30-40 կմ խորությունում է։
Աստղագետ Ուիլյամ Հերշելի կողմից 1789թ. հայտնաբերված Էնցելադը Սատուրնի մեծությամբ վեցերորդ արբանյակն է։