Կիրակի առավոտյան Ինդոնեզիայի արեւելյան հատվածում 5.0 մագնիտուդ ուժգնությամբ երկրաշարժ է տեղի ունեցել, ցունամիի վտանգ չկա, «ՌԻԱ Նովոստիին» հաղորդել են երկրի Օդերեւութաբանության, կլիմայաբանության եւ երկրաֆիզիկայի ազգային վարչությունից:
Ստորգետնյա ցնցման էպիկենտրոնը գտնվել է Մոլուկի նահանգի Սաումլակի քաղաքից 172 կմ հյուսիս-արեւմուտք, օջախը գտնվել է 138 կմ խորության վրա՝ Բանդա ծովի մակերեւույթից: Զոհերի եւ ավերածությունների մասին առայժմ տեղեկություններ չկան, հայտնում է «ՌԻԱ Նովոստին»:
Ինդոնեզիան այսպես կոչված Խաղաղօվկիանոսյան հրե օղակի մաս է կազմում: Երկրագնդի այդ շրջանում տեկտոնական ամենաակտիվ սալիկներն են, որոնցից մեկը շարժվում է տարեկան 7 սմ արագությամբ: Սեյսմոլոգները տարեկան այստեղ գրանցում են 6-7 հազար երկրաշարժ՝ ավելի քան 4.0 ուժգնությամբ: