86-ամյա կնոջ որդին դատի է տվել ծերանոցին: Հայցի հիմք է հանդիսացել լուսանկարը, որը տղամարդը հայտնաբերել է մոր իրերի մեջ:
Լոնգ Այլենդի ծերանոցի կենվոր 86-ամյա Բերնիս Յանգբլադի որդին մորն այցելության ընթացքում նրա իրերի մեջ անվայել լուսանկար է հայտնաբերել:
Տեսարանն այնքան է ցնցել Ֆրանկլին Յանգբլադին, որ նա որոշել է հայց ներկայացնել ծերանոցի դեմ, հայտնում է FederalPost-ը՝ վկայակոչելով New York Post-ը:
Բանն այն է, որ լուսանկարում պատկերված է եղել Բերնիսի վրա հակված մերկապարող, որը հետեւում էր իր վարտիքից ներս թղթադրամներ դնելու տարեց կնոջ փորձերին:
Այդ լուսանկարում երեւում էր, որ հաստաության անձնակազմը տեղյակ է եղել կատարվածի մասին. Կադրում հայտնված բուժքույրը ցնցված եւ հիացած նայում էր ծեր կնոջից դրամ ստացող կիսամերկ պարողին:
Զայրացած տղամարդը հիվանդասենյակի կողքով անցնող աշխատակցուհուց բացատրություն է պահանջել. բուժքույրը հարձակվել է նրա վրա եւ փորձել խլել լուսանկարը:
«Ֆրանկլին Յանգբլադը այդ լուսանկարը գտել էր իր մոր իրերի միջից ` հունվարին կատարած այցի ժամանակ: Յանգբլադ ընտանիքը հայտնել է իր վրդովմունքը, սակայն արհամարհանքի է արժանացել,- ասվում է ընտանիքի փաստաբանների ներկայացրած հայցում: - Հիվանդ Բերնիս Յանգբլադը զարմացած էր իր վրա հակված տղամարդու մերկության տեսարանից: Այսպիսով, ոչ իր կամքով տղամարդու մերկապար դիտած կինը դարձել է սեռական ամոթալի մոլագարության զոհ»:
Հայցում նաեւ նշվել է, որ մեկապարողները պարբերաբար այցելել են ծերանոց, եւ ծերերի համար էրոտիկ պարերը սովորական երեւույթ էին:
Միաժամանակ հաստատության աշխատակիցները պնդում են, որ նման միջոցառումների նախաձեռնողը հենց թոշակառուներն են եղել, որոնք մերկապարողների այցերը հիանալի ժամանց են համարել:
86-ամյա կնոջը հասցված վնասը հայցում յոթնանիշ գումարով է արտահայտվել: