Աֆղանստանի Քանդահար նահանգում թալիբները վեց մարդու սպանել են կառավարությանն աջակցելու համար:
Հաղորդվում է, որ շինարարական կազմակերպության չորս աշխատակիցներ առեւանգվել էին 10 օր առաջ` հարեւան Հիլմենդ նահանգում: Նրանց մարմինները հայտնաբերել են միայն ապրիլի 14-ին, հայտնում է ԻՏԱՌ-ՏԱՍՍ-ը:
Նշվում է, որ զոհվածները մասնակցում էին Աֆղանստանի իրավապահ մարմինների համար նախատեսված շենքի շինարարությանը:
Մյուս երկու զոհերը պետաշխատողներ էին, որոնք աշխատում էին Ազգային համերաշխության ծրագրում:
