ԵՄ-ն սառեցրել է ուկրաինացի պաշտոնյաների հաշիվները, որոնք կասկածվում են յուրացումների մեջ:
Համապատասխան որոշումը կայացրել են Եվրամիության անդամ երկրների ԱԳ նախարարները՝ Լյուքսեմբուրգում կայացած հանդիպման ժամանակ, հաղորդում է pravda.com.ua-ն՝ վկայակոչելով «Ազատություն» ռադիոկայանը:
Այն անձանց անունները, որոնց վերաբերում են պատժամիջոցները, կհրապարակվեն վաղը՝ ապրիլի 15-ին: Այսպիսով՝ այն անձանց ընդհանուր թիվը, որոնց հաշիվները ԵՄ-ն սառեցրել է կոռուպցիայի համար, հասել է 22-ի:
Ավելի վաղ Շվեյցարիան սառեցրել է 29 ուկրաինացի նախկին պաշտոնյաների ակտիվները: Նրանց շարքում են Սերգեյ Արբուզովը, Նիկոլայ Ազարովը եւ նրա որդին՝ Ալեքսեյը, Ալեքսանդր Եֆրեմովը, Ռաիսա Բոգատիրեւան, Յուրի Իվանյուշչենկոն, Սերգեյ Կլյուեւը, Բորիս Կոլեսնիկովը, Ելենա Լուկաշը եւ այլն: