Հակառակորդը երեկ՝ ապրիլի 14-ի երեկոյան, նորից խախտել է հրադադարի ռեժիմը եւ կրակ բացել Տավուշի մարզի սահմանամերձ հայկական գյուղերի ուղղությամբ: Այս մասին NEWS.am-ի թղթակցի հետ զրույցում ասաց Պաշտպանության նախարարի պաշտոնակատարի մամուլի քարտուղար Արծրուն Հովհաննիսյանը:
Նա նշեց, որ կրակոցները տեւել են մինչեւ ուշ գիշեր, այժմ սահմանին հանգիստ վիճակ է, հայկական կողմը զոհեր եւ վիրավորներ չունի: Մամուլի քարտուղարը նշեց նաեւ, որ հայկական կողմը պատասխան կրակ է բացել եւ լռեցրել հակառակորդին:
