Ռուսաստանում 2013թ. 461 երեխա է ինքնասպան եղել. սա նշանակում է օրական առնվազն մեկ երեխայի մահ: Այս մասին տեղեկացրել է ՌԴ Քննչական կոմիտեի պաշտոնական ներկայացուցիչ Վլադիմիր Մարկինը:
Ըստ Մարկինի՝ ինքնասպանությունների հիմնական պատճառը մանկական խնդիրների եւ նրանց ապրումների հանդեպ շրջապատի անտարբերությունն է, հայտնում է «ՌԻԱ Նովոստին»:
Գերատեսչության պաշտոնական ներկայացուցիչը նշել է, որ պրոֆիլակտիկ նկատառումներով ոչ միայն ուսումնական հաստատություններում հոգեբանական աջակցություն, այլեւ համալիր միջոցառումներ են անհրաժեշտ՝ ինչպես երեխաների, այնպես էլ նրանց ծնողների հետ կապված:
