Ոստիկանության Կրամատորսկի քաղաքային բաժանմունքի շենքը գրաված անհայտ անձանց խումբը լքել է այն: Այս մասին Ուկրաինայի ՆԳՆ գլխավոր վարչության Դոնեցկի մարզի մամուլի ծառայության պետ Իգոր Դեմինին վկայակոչելով հայտնում է «Օստրով» գործակալությունը:
«Ինչ վերաբերում է Կրամատորսկին` ինքնուրույն լքել են շենքը»,-ասել է Դեմինը:
Նա չի հաստատել շրջանառվող լուրերը, թե գիշերվա ընթացքում Դոնեցկի մարզում քաղաքային վարչակազմի շենքերի գրավման նոր դեպքեր են գրանցվել. «Միգուցե փորձել են. գրավում չի եղել»:
Պաշտոնական տվյալներով, այս պահին գրավված են մնում ոստիկանության Սլավյանսկի շրջանային բաժանմունքի եւ Գորլովկայի քաղաքային վարչակազմի շենքերը:
Ներկայացնում ենք ոստիկանության Կրամատորսկի քաղաքային բաժանմունքի շենքի ապրիլի 12-ի գրավման տեսագրությունը: