Գերմանիայի արտգործնախարար Ֆրանկ Վալտեր Շտայնմայերը չի բացառում ԵՄ-ին Ուկրաինայի անդամակցության հեռանկարը:
«ԵՄ-ն երբեք էլ փակ ակումբ չի եղել եւ չի լինի նաեւ ապագայում, եթե նոր անդամներ ընդունելու ներուժ ունենա», - ապրիլի 15-ին նախարարի խոսքերն է մեջբերում Reuters-ը՝ վկայակոչելով գերմանական Die Zeit շաբաթաթերթը:
Միեւնույն ժամանակ Գերմանիայի արտգործնախարարը ժխտել է Ուկրաինայի՝ ՆԱՏՕ-ին անդամակցելու հեռանկարը: Խոսելով Ուկրաինայի արեւելքում իրադարձությունների մասին՝ Շտայնմայերը Ռուսաստանի ղեկավարությանը կոչ է արել զերծ մնալ Ուկրաինայի արեւելքում ռազմական գործողություններից, հայտնում է Deutsche Welle-ն: