Կրամատորսկի բնակիչները անջատողականների կողմից վերահսկվող օդանավակայանի կողմից լսվող ավտոմատային կրակահերթերի մասին են հայտնում: Մինչ այդ էլ օդանավակայանի վրայով պտտվող ռազմական ինքնաթիռ, ականատեսների խոսքերով` ՄԻԳ-25 կամ ՍՈւ-27 է նկատվել: Այն երկրի մակերեւույթից շատ փոքր բարձրության վրա է եղել: Կես ժամ անց ինքնաթիռը հեռացել է Դոնեցկի ուղղությամբ, հայտնում է «ԼիգաԲիզնեսԻնֆորմ»-ը:
Դրանից հետո օդակայանին են մոտեցել շտապ օգնության եւ ԱԻՆ մի քանի մեքենաներ, որտեղից պայթյուններ եւ կրակոցներ են լսվել:
Հիշեցնենք, որ այսօր ռուսամետ ակտիվիստները «ազատագրել» են ոստիկանության Կրամատորսկի քաղաքային բաժանմունքի շենքը, իսկ մոտակա օրերին մտադիր են վերահսկողության տակ վերցնել նաեւ քաղաքային վարչակազմի շենքը:
