ԱՄՆ-ի Բոսթոն քաղաքում մարաթոնի եզրափակիչ գծի տարածյքից ոստիկանությունը հեռացրել է մարդկանց եւ փակել փողոցները` կասկածելի իրեր հայտնաբերելու պատճառով: Փակվել է մետրոյի մոտակա կայարանը, հայտնել են տեղի իրավապահ մարմինների ներկայացուցիչները:
Ըստ նրանց` մարաթոնի եզրափակիչ գծի հարեւանությամբ, որտեղ մեկ տարի առաջ ահաբեկչություն էր կատարվել, երկու ուսապարկ էր հայտնաբերվել: Մի քանի ժամ առաջ այդ վայրում սգո արարողություն էր տեղի ունեցել` երեք մարդու կյանք խլած ողբերգության առաջին տարելիցի կապակցությամբ, հայտնում է «ՌԻԱ Նովոստին»:
Ըստ ականատեսների` ուսապարկերը թողել էր սեւազգեստ մի տղամարդ: Մինչ կասկածելի իրերը զննելը, ոստիկանությունը հայտնել էր, որ կասկածյալը ձերբակալված է: Ուսապարկերի պարունակությունը դեռ հայտնի չէ:
Ահաբեկչությունից մեկ տարի անց եւ ապրիլի 21-ին նախատեսված մարաթոնից մեկ շաբաթ առաջ Բոսթոնի ոստիկանությունը սկսում է հերթական քննությունը: