Ադրբեջանը որոշել է «մկանները ցուցադրել» եւ լայնամասշտաբ զորավարժություններ է անցկացնում Նախիջեւանում:
ԱՊԱ-ին ՊՆ մամուլի ծառայությունից հայտնել են, որ զորավարժություններն անցկացվում են մարտական պատրաստականության 2014թ. ծրագրին համապատասխան:
Պաշտպանության նախարարության ղեկավարության մասնակցությամբ իրականացվող զորավարժություններին մասնակցում են զորամասերի անձնակազմերը, ավիացիայի, ՀՕՊ համակարգերը, հրթիռային եւ հրետանային զորքերը, այդ թվում նաեւ` նոր զրահատեխնիկան:
Զորավարժությունների ընթացքում ստուգվելու են Նախիջեւանում տեղակայված զորամասերի մարտունակությունը, ռազմական տեխնիկան, ինչպես նաեւ ժամանակակից զենքի կիրառման հմտությունները: