Ղրիմը պատրաստ է անհրաժեշտ նյութական օգնություն հատկացնել Ուկրաինայի հարավ-արեւելքի բնակիչներին, հայտարարել է Ղրիմի ղեկավարի պաշտոնակատար Սերգեյ Աքսյոնովը:
«Կիեւի անօրինական իշխանությունը, ժողովրդի հետ երկխոսելու փոխարեն, իր ենթակա գրոհայիններին ուղարկել է Ուկրաինայի հարավ-արեւելքի բնակիչներին ճնշելու: Մենք Սլավյանսկի, Կրամատորսկի, Դոնեցկի եւ այլ քաղաքների բնակիչներին, որոնք պաշտպանում են իրենց իրավունքները, բարոյական լիակատար աջակցություն ենք հայտնում», - Աքսյոնովի խոսքերն է մեջբերում «Կրիմինֆորմը»:
Նա նաեւ հավելել է, որ ղրիմցիները պատրաստ են «անհրաժեշտ նյութական օգնություն ցուցաբերել, ընտանիքների ընդունել»:
Հիշեցնենք, որ ավելի վաղ Ուկրաինայի նախագահի ժ/պ Ալեքսանդր Տուրչինովը հայտարարել էր զինված ուժերի մասնակցությամբ լայնածավալ ռազմական գործողություններ սկսելու մասին` երկրի արեւելքում իրադարձությունների կապակցությամբ, որտեղ մարտից դաշնայնացման կողմնակիցների ցույցեր են ընթանում: Երեքշաբթի Դոնեցկի մարզի Կրամատորսկում ուկրաինացի ուժայինները ազատագրել էին օդանավակայանը` դուրս մղելով դաշնայնացման կողմնակիցներին:
