Հայաստանի ԱԻ նախարարի պաշտոնակատար Արմեն Երիցյանի հրամանով այսօր՝ ապրիլի 16-ին կատարվել է 6 նոր նշանակում` ՓՈՒՎ կարեւորագույն օբյեկտների պահպանության բաժնում, Երեւան քաղաքի վարչության թիվ 1 եւ 4 հրշեջ-փրկարարական ջոկատներում, ինչպես նաեւ Շիրակի ՄՓՎ Անիի հրշեջ-փրկարարական ջոկատում:

ԱԻՆ ճգնաժամային կառավարման կենտրոնում հերթապահում է նաեւ հոգեբանների խումբ, որն այսօր համալրվեց եւս 2 մասնագետով: Հոգեբանների խումբը հետագայում հիմք կհանդիսանա ԱԻ նախարարությունում հոգեբանական ծառայություն ստեղծելու համար, քանի որ արտակարգ իրավիճակներում մարդկանց հոգեբանական աջակցության ցուցաբերումը նույնպես շատ կարեւոր է:

Արմեն Երիցյանն անձամբ հանդիպում եւ հարցազրույցներ է անցկացնում նախարարության համակարգում աշխատելու համար դիմած քաղաքացիների հետ: