Ամոթ է, որ Հայաստանը հավի միս եւ ձու է ներկրում, ապրիլի 16-ին լրագրողներին ասել է «Հայաստանի սպառողների միության» նախագահ Արմեն Պողոսյանը:
Նա նշել է, որ Հայաստանն արտասահմանից ներկրում է սպառվող թռչնամսի մոտավորապես 70%-ը: «Չնայած հավի միսը մեզ մոտ է հասնում օվկիանոսի այն կողմից՝ Բրազիլիայից, այն միեւնույն է,տեղականից էժան է: Հիմնականում կերի պատճառով: Իսկ ինչո՞ւ մենք չենք կարողանում կերի արտադրություն կազմակերպել մեզ մոտ», - ասել է Պողոսյանը:
Ըստ նրա` անհասկանալի է, թե ինչու է Հայաստանը եգիպտացորեն ներմուծում, որը թռչունների հիմնական կերն է, եթե հանրապետությունում այդքան անմշակ հողատարածքներ կան: «Պետք է պարզապես երկրի ղեկավարության, պետության, բիզնեսի շահագրգիռ մոտեցումը եւ երկխոսությունը: Իսկ մեզ մոտ ամեն մեկն իր համար է», - նշել է Արմեն Պողոսյանը:
