Ի հեճուկս հոռետեսական կանխատեսումների՝ խորհրդարանական քառյակը շարունակում է համագործակցությունը: Այս մասին ապրիլի 16-ին լրագրողներին ասել է ՀՅԴ խմբակցության ղեկավար Արմեն Ռուստամյանը՝ խորհրդարանական ոչ կոալիցիոն չորս ուժերի հանդիպման ավարտին:
Ըստ Ռուստամյանի` խորհրդարանական չորս խմբակցությունները հանդես կգան «Կուտակային կենսաթոշակների մասին» օրենքում փոփոխություններ կատարելու նախաձեռնությամբ` պատկերը հստակեցնելու համար: «Խորհրդարանականների մեկ երրորդի նախաձեռնությամբ` ապրիլի վերջին ԱԺ-ի արտահերթ նիստ կգումարվի: Կարծում եմ, որ խորհրդարանական մեծամասնություն ՀՀԿ-ն նույնպես կմասնակցի արտահերթին, քանի որ նրանց բացակայությունը ոչ սահմանադրական կլինի», - ասել է Վարդանյանը:
