Օդեսայում ձեւավորված «հակամայդանը» քաղաքը եւ մարզը հռչակել է «Օդեսայի ժողովրդական հանրապետություն»: Ակտիվիստները բնակիչներին կոչ են արել միանալ Ուկրաինայի հարավի ազատագրման պայքարին:
Նրանք նաեւ բնակիչներին կոչ են արել անել այնպես, որ ապրիլի 17-ին Օդեսայի փողոցներում երթեւեկությունն ամբողջությամբ դադարեցվի:
Ակտիվիստները «Յանդեքսում» քարտեզ են ստեղծել, որտեղ 153 հետիոտնային անցումներ են նշել, որտեղ պետք է գտնվեն օդեսացիները, որպեսզի դադարեցնեն տրանսպորտի երթեւեկությունը:
«Վաղը ժ. 16:00-ին Օդեսան պետք է ոտքի ելնի», - ասված է կոչում: Հակամայդանցիները կոչ են արել թույլատրել միայն շտապօգնության մեքենաների երթեւեկությունը:
Նամակում նշված է, որ Օդեսայի բնակիչները պետք է իրենց ձեռքն առնեն իշխանությունը՝ արտաքին ագրեսիայից պաշտպանվելու համար, ինչպես դա արել են նրանց նախապապերը 1917թ.: «Այլապես մեզնից շատերը մինչեւ ամառ չեն ապրի», - զգուշացնում են անջատողականները:
