Կրամատորսկում շրջափակումից դուրս գալու համար Ուկրաինայի ԶՈւ զինծառայողը, որը գտնվում էր զրահամեքենայում, քաշել է նռնակի օղակն ու սպառնացել է շրջափակողներին, որ եթե չցրվեն, նռնակը կնետի:
Կրամատորսկում չորս զրահամեքենայից բաղկացած շարասյունն ազատվել է ռուսամետ ուժերի շրջափակումից: Տեղացիները վեց մեքենաներով ու կվադրոցիկլով հետապնդման են անցել:
Ինչպես հաղորդում են տեղի բնակիչները, ուկրաինացի զինվորականը վերցրել է նռնակը, քաշել օղակն ու հրամայել տեխնիկան շրջափակող մարդկանց ցրվել, հաղորդում է ՈւՆՆ-ն:
Շարասյունն ուղեւորվում էր Կրամատորսկի օդանավակայան: Ուկրաինական զրահամեքենային հետեւում է 30 զինված մարդկանցով ավտոբուս: Սկսվել է փոխհրաձգություն: Շարասյունն շրջվել եւ ուղեւորվել Դրուժկովկայի ուղղությամբ:
Շարասյունը շրջադարձել է Կրամատորսկի եւ Դրուժկովկայի միջեւ: Ավտոբուսը շարունակում է հետապնդումը: Ուկրաինացի զինվորականները ստիպված են եղել նախազգուշացնող կրակ արձակել:
