Քալիֆորնիայում 15 մարդ տուժել է, երբ հրշեջ մեքենան բախվել է ռեստորանին։ Դեպքը կատարվել է տեղական ժամանակով ժ. 15:15-ին՝ Մոնտերեյ Փարք քաղաքում։ Բանուկ խաչմերուկում բախվել ենհրշեջ ծառայության երկու մեքենաներ, որոնցից մեկը կորցրել է ղեկավարումը եւ հայտնվել այցելուներով լի չինական ռեստորանում։
Ըստ բժիշկների` մեկ մարդ ծայրահեղ ծանր վիճակում է: Մյուս տուժածների կյանքին վտանգ չի սպառնում:
Հաղորդվում է, որ հրշեջ մեքենաներից մեկն ուղեւորվել էր աշխատանքի եւ վթարի պահին խաչմերուկն անցել էր կարմիր լույսի տակով` միացված ազդանշաններով:
