Ուկրաինայի Գերագույն Ռադան ընդունել է «ՌԴ ագրեսիայի հետ կապված Ուկրաինայի պաշտպանունակության ամրապնդման լրացուցիչ միջոցառումների մասին» որոշման նախագիծը, ըստ որի կարող է վերականգնվել զորակոչը: Այս որոշմանը կողմ է քվեարկել 231 պատգամավոր:
Հաղորդվում է, որ որոշումը պարունակում է դիմում ուղղված երկրի նախագահի պաշտոնակատար Ալեքսանդր Տուրչինովին՝ խնդրելով քննարկել Ուկրաինայի զինված ուժեր զորակոչը վերսկսելու, դպրոցներում նախնական զինվորական պատրաստության եւ բուհերում զինվորական ամբիոնների վերականգնման նպատակահարմարությունը:
Նշենք, որ 2013-ի հոկտեմբերի 14-ին Վիկտոր Յանուկովիչը հրամանագիր էր ստորագրել՝ բանակի պայմանագրային հիմքի անցնելու վերաբերյալ:
