Ղրիմի բնակիչներն ապրիլի 18-ից ավտոմատ դառնում են ՌԴ քաղաքացի, սակայն Ղրիմի թաթարները որոշել են պահպանել Ուկրաինայի քաղաքացիությունը, բայց համաձայնել են նաեւ ռուսական անձնագրեր ստանալ: Այս մասին ճեպազրույցում հայտնել է Ուկրաինայի ժողովրդական պատգամավոր, Ղրիմի մեջլիսի նախկին նախագահ Մուսթաֆա Ջեմիլեւը:
Նա նշել է, որ «օկուպացված տարածքի» մասին ընդունված օրենքը նախատեսում է, որ եթե մարդն ինքնուրույն չի գրել քաղաքացիություն ստանալու դիմումը, օկուպացումից հետո մեխանիկորեն պահպանում է Ուկրաինայի իր քաղաքացիությունը:
«Այդ պատճառով էլ Ղրիմի թաթարները տրամաբանորեն կարծում են, որ օկուպացման վերացումից հետո առանց խնդիրների նորից կդառնան Ուկրաինայի քաղաքացիներ», - կարծում է քաղաքական գործիչը, հայտնում է ՈՒՆՆ-ն:
Նա նշել է, որ կան թաթարներ, որոնք հրաժարվում են ռուսական անձնագրեր ստանալ: Եվ Ղրիմի 3 հազար թաթար արդեն տեղափոխվել է Արեւմտյան Ուկրաինա: