Հայաստանի կրթության եւ գիտության նախարարի պաշտոնակատար Արմեն Աշոտյանը հրաման է ստորագրել 2013 թվականի հունվարի 23-ի N 55-Ա/Ք հրամանով «Լ. Օրբելու անվան համալսարան» ՍՊԸ-ին տրված բակալավրի կրթական ծրագրով գործունեության N 0050 լիցենզիայի գործողությունը դադարեցնելու կապակցությամբ:
ԿԳՆ մամուլի ծառայությունից հայտնում են, թե նախարարության աշխատակազմին հանձնարարվել է` ձեռնարկել համապատասխան միջոցառումներ վերոնշյալ բուհի բակալավրի կրթական ծրագրով սովորող ուսանողների հետագա ուսումնառությունը պետական եւ հավատարմագրված ոչ պետական ուսումնական հաստատություններում շարունակելու ուղղությամբ` նրանց շահերն ու իրավունքները պաշտպանելու նպատակով:
