Ուկրաինայի վերաբերյալ քառակողմ հանդիպման ընթացքում հաստատվել է իրավիճակի մեղմացման մասին փաստաթուղթ: Այդ մասին հաղորդել է ՌԴ արտգործնախարար Սերգեյ Լավրովը:
«Մենք պայմանավորվել ենք, որ բոլոր կողմերը պետք է հեռու մնան ցանկացած տեսակի բռնությունից»,- հայտարարել է դիվանգետը:
Ռուսաստանը կաջակցի ԵԱՀԿ առաքելության աշխատանքին Ուկրաինաում՝ կողմերի միջեւ երկխոսության հաստատման ուղղությամբ, ընգծել է արտգործնախարարը: Սերգեյ Լավրովի խոսքով՝ Ժնեւի հռչակագիրը կոչ է անում ազգային երկխոսության: Բացի այդ, Ուկրաինայում պետք է զինաթափվեն բոլոր ապօրինի զինված խմբերը:
«Անհրաժեշտ քայլերի շարքում է բոլոր ապօրինի զինված խմբերի զինափաթումը, վարչական բոլոր շինությունները պետք է վերադարձվեն օրինական տերերին։ Բոլոր ցուցարարների նկատմամբ պետք է համաներում կիրառվի՝ բացառությամբ նրանց, ովքեր ծանր հանցագործություններ են կատարել»,- ասել է Լավրովը:
Նրա խոսքով՝ Ժնեւի հանդիպման մասնակիցները ճանաչել են, որ ճգնաժամը պետք է կարգավորեն իրենք ուկրաինացիները:
