Ապրիլի 18-ին Հարավային Կորեայում ավարտվել են ԱՄՆ-ի հետ համատեղ երկու ամիս տեւած ամենամյա Foal Eagle զորավարժությունները: Դրանց մասնակցել է 200 հազար հարավկորեացի եւ 7,5 հազար ամերիկացի զինծառայող:
Փետրվարի 24-ից մինչեւ մարտի 6-ը Կորեայի Հանրապետություն տեղի են ունեցել նաեւ ԱՄՆ-ի հետ համատեղ Key Resolve զորավարժությունները, հայտնում է ԻՏԱՌ-ՏԱՍՍ-ը` վկայակոչելով «Ռենհապը»:
Նշենք, որ ԿԺԴՀ-ում Foal Eagle զորավարժությունների ընթացքում բազմիցս հրթռիների մեկնարկներ են տեղի ունեցել` որպես ուժի դրսեւորում:
Այժմ Հարավում տեղի են ունենում երկու երկրների ՌՕՈՒ-ի Max Thunder երկկողմ զորավարժոթյունները, որոնց մասնակցում է 100 ռազմական օդանավ եւ 1,4 հազար ռազմական օդաչու: ԱՄՆ-ի հետ համատեղ այս զորավարժությունները կավարտվեն հաջորդ շաբաթ:
Պաշտոնական Փհենյանը ավանդաբար դատապարտել է Սեուլի եւ Վաշինգտոնի համատեղ զորավարժությունները` դրանք անվանելով Հյուսիսի դեմ «միջուկային պատերազմի» նախապատրաստություն:
