Ուկրաինայում ճգնաժամի կապակցությամբ ՆԱՏՕ-ի օդային ոստիկանության առաքելությունն ուժեղացնելու շրջանակում Կանադայի իշխանությունները Լեհաստան կուղարկեն CF-18 վեց կործանիչ, հայտնում է ՈՒՆՆ-ն` վկայակոչելով Global News-ը:
Ըստ Կանադայի վարչապետ Սթիվեն Հարփերի` կանդական կործանիչները հերթապահելու են Արեւելյան Եվրոպայի օդային տարածքում:
Հաղորդվում է նաեւ, որ Արեւելյան Եվրոպայի երկրների օդային տարածքում հերթապահելու են նաեւ ԱՄՆ-ի, Գերմանիայի, Մեծ Բրիտանիայի, Դանիայի, Լեհաստանի եւ Պորտուգալիայի օդանավերը:
Ըստ Հարփերի` Կանադան Բրյուսելում ՆԱՏՕ-ի գլխավոր գրասենյակ կուղարկի նաեւ 20 սպա` իր ներկայությունն ամրապնդելու համար: