Ուկրաինայի վարչապետ Արսենի Յացենյուկը հանձնարարել է քննարկել իշխանության ապակենտրոնացման մասին սահմանադրական փոփոխությունները։
Համապատասխան որոշումն ընդունվել է կառավարության արտահերթ նիստում` ապրիլի 17-ի երեկոյան:
Այս փաստաթղթով հանձնարարվում է կազմակերպել եւ մինչեւ 2014թ. հոկտեմբերի 1-ն ապահովել Սահմանադրության համապատասխան փոփոխությունների քննարկումը` ներգրավելով տեղի ինքնակառավարման մարմիններին, նրանց կազմակերպություններին, հասարակությանը, գիտական եւ գործարար շրջանակները:
Քննարկումն անցկացնելու համակարգումը հանձնարարվել է Տարածաշրջանային զարգացման, շինարարության, բնակարանային եւ կոմունալ տնտեսությունների նախարարությանը , հայտնում է Ukrinform-ը: